تكيس المبايض من أكثر الاضطرابات الهرمونية شيوعًا عند السيدات، وبيظهر بدرجات مختلفة وفي كثير من الحالات بيكون سبب رئيسي في تأخر الحمل واضطراب الدورة الشهرية.
في عيادات دكتورة إيمان مجاهد بيتم التعامل مع تكيس المبايض بشكل علمي دقيق، مع تحديد الدرجة ونوع التكيس ووضع خطة علاج مناسبة لكل حالة حسب العمر والوزن والتحاليل ووظائف المبيض.
تشخيص و علاج تكيس المبيض مش بس رؤيته من خلال السونار، لكنه خطوات كاملة من الفحص هدفها الوصول لأفضل طريقة علاج بدون مبالغة أو أدوية بدون داعي.
أعراض تكيس المبايض
مش كل سيدة عندها تكيسات مبايض بيظهر عليها نفس الأعراض.
لكن أشهر علامات تكيسات المبايض:
- عدم انتظام الدورة
- تأخر الحمل
- زيادة الوزن أو صعوبة فقدانه
- حب الشباب
- زيادة نمو الشعر
- ضعف التبويض
- أكياس بتظهر على جسم المبيض في السونار
- مقاومة للإنسولين في بعض الحالات
كل عرض من دول بيفرق في خطة علاج تكيسات المبايض.
كيف يتم تشخيص تكيس المبايض داخل عيادات دكتورة إيمان مجاهد؟
تشخيص تكيسات المبايض بيتم بدقة و وفق معايير Rotterdam Criteria المعتمدة عالميًا، وبيشمل:
- تقييم الأعراض
- سونار لتحديد شكل المبيض
- تحاليل هرمونات: LH – FSH – AMH – Testosterone – Prolactin – TSH
- تقييم مقاومة الإنسولين وسكر صائم لو الحالة محتاجة
- تقييم الوزن ومؤشر الكتلة BMI
بعد تشخيص الالة بإصابتها بتكيس المبيض بيتم تحديد نوع التكيس:
تكيس بسيط – متوسط – شديد
تكيس مقاوم للعلاج
تكيس مع ضعف مخزون
وده مهم جدًا قبل بدء العلاج.
طرق العلاج المناسبة لتكيسات المبايض
1) تنظيم الدورة وتحسين التبويض
باستخدام بروتوكولات علاجية مناسبة حسب العمر والحالة الهرمونية، وممكن من غير ما نلجأ لأدوية قوية من البداية.
2) علاج تكيسات المبايض المصاحبة لمقاومة الإنسولين
مهم جدًا في الحالات اللي عندها زيادة وزن أو تحليل مقاومة الإنسولين مرتفع، وده بيشمل:
- أدوية منظمة للسكر
- نظام غذائي منتظم
- متابعة الوزن
تحسين مقاومة الإنسولين بيحسن التبويض بشكل طبيعي في حالات كتير.
3) متابعة التبويض في وجود تكيسات المبيضين
لو الهدف هو الحمل أو الحفاظ علي الحمل في وجود التكيسات ، بيتم متابعة التبويض بدقة بالسونار وبروتوكول علاجي خاص للمريضة.
4) مناظير علاج تكيسات المبايض
حالات تكيسات المبيضين اللي مش بتستجيب للأدوية، أو التكيسات شديدة الدرجة بيكون الحل هو منظار المبيض (Ovarian Drilling) بيكون حل مناسب.
وبيساعد على:
- تحسين جودة التبويض
- رفع فرص الحمل بشكل طبيعي
المنظار لعلاج التكيسات دقيق ونتائجه ممتازة في معظم الحالات.
5) تأهيل الحالة للحقن المجهري
لو التكيس شديد أو مخزون المبيض ضعيف، لازم يتم ضبط الهرمونات بدقة قبل أي خطوة تخصيب مساعد، لأن تكيس المبايض بدون تحضير مناسب ممكن يؤثر على جودة البويضات ونسبة نجاح الحقن المجهري.
أهمية علاج تكيس المبايض داخل عيادات دكتورة إيمان مجاهد
- تشخيص دقيق وفق أحدث المعايير
- خطط علاج فردية لكل حالة
- متابعة هرمونية وسوناربإنتظام
- خبرة في علاج التكيسات الشديدة و التكيسات المقاومة للعلاج
- استخدام المنظار في حالات التكيسات المتقدمة فقط
- تهيئة كاملة قبل الحمل أو الحقن المجهري
- توفر المتابعة في محافظات مختلفة في مصر
هل تكيس المبايض يمنع الحمل؟
مش بالضروري تكيس المبايض يمنع الحمل، لكن لو فضل من غير علاج أو متابعة ممكن يسبب :
- ضعف التبويض
- تأخر الدورة
- يقلل جودة البويضات
- يسبب مقاومة إنسولين
- يضعف فرص الحمل الطبيعي
ومع العلاج الصحيح لتكيسات المبيضين، نسبة كبيرة من السيدات بتحمل طبيعي بدون أي إجراءات إضافية.
احجزي موعدك
تقدري تقيمي وضعك بشكل دقيق في أقرب فرع ليكي لو عندك أعراض تكيس أو تأخر حمل أو دورة مش منتظمة تواصلي معانا و إتطمني دلوقتي